Qof kaadi daran hayso salaaddiisa ma ansaxaysaa

Su’aasha:

Kaadida iyadoo i heyso hadaan tukado salaada may ansixi Mise wan soqaleyn

Jawaabta:

Waxaa kusoo arooray mas’aladan xadiis saxiix ah oo Muslin saxiixiisa ku wariyay, wuxuu yiri rasuulka (SCW):

(لا صَلَاةَ بحَضْرَةِ الطَّعَامِ، ولَا هو يُدَافِعُهُ الأخْبَثَانِ).

(Salaad ma jirto iyadoo cunto ay taallo iyo qofka asoo ay soo riixayaan labada xunxun (saxaro iyo kaadi).

Xadiiskan qofka muslinka wuxuu ka reebayaa inuu tukado asoo cunto loo keenay maxaayeelay naftiisa cuntada ayay aadaysaa khushaaca ayuu ka baxayaa, waxaa la mid ah qofkii musqul u baahan isagana waa inuu xaajadiisa soo gutaa markaas salaadda ayuu ku takanayaa.
Laakin hadduu tukado asoo saxaro ama kaadi ay hayso, salaaddiisa way ansaxaysaa sida ay culimada u badan yihiin, xadiiska waxay ku xambaareen in laga wado salaad dhammaystiran ma helayo maxaayeelay naftiisa wax kale ayay ku mashquulsan tahay, culimadan ayaana xoog badan, marka qofka ma soo qalaynayo hadduu sidaas ku tukado.