Gabar ayaan video xun ka qaaday sideen uga towbad keenaa

Su’aasha:

Gabar ayaan is baranay si daran ayay ii jeclaatay online ayaan ku shekaysan jirnay waxan ka codsay inay isoo dirto video iyadoo qaawan sidoomkale sawiro, wayna ii sameysay mudo kadib waan nacay waana ka tagay waxay u sheegay guur inan diyaar u ahayn, kadib gabar qaraabo aan nahay ayaan doontay waa la i siiyay, gabadhii hore way maqashay, aad ayaan uga murugsanahay arintaas aan ameeyay, waxan ka murugsanahay khiyaanada aan khiyaanay gabadhii hore maxan sameyaa ila taliya.

Jawaabta:

Waxaa aad khalad u ah gabar walaashaada muslin ah inaad sidaas u gasho, oo aad ka dalbato sawiro qaawan, waa dambi aad u foolxun, marka hore waa inaad Ilaahay u noqoto oo aad dambidhaaf weyddiisato, illeen falka aad sameysay waa mid xun, marka labaad waxaa kugu habboonayd inaad iyada guursato oo aad u ceeb asturto, waayo waxaad ka jabisay qalbiga marna ma illaawayso xumaanta aad ku samaysay, laakin marka aad guursato oo aad ka towbad keentaan dmabiga labadiina ayuu idinku eg yahay, laakin hadda adiga marka aad guursato naag kale qalbigaaga kama baxayso inaad gabar si xun aad u gashay, iyadana marka ay nin kale guursato waxaa daba taagnaanaya inay tahay naag xun oo jirkeeda nin kale si xaaraan ah ugu raaxaystay, mar kaste waxay ka fikiraysaa muuqaalada qaawan oo gacanteeda ka baxay, marka waxaa waajib kugu ah inaad tirtirto wixii video aad ka haysto gabadha sidoo kale wixii sawiro qaawan aad ka hayso, inaadan dad kale waxaas tusinin, inaad ka towbad keento dhamaan dambiyada aad gashay.

sidoo kale waxaa laga rabaa gabar kaste inay iska ilaaliso raga xun xun oo raba inay jirka dumarka ku raaxaystaan, gabdhaha Facebook iyo Youtbe iyo Snapchat dhamaan waxay ku jiraan halis kusoo socoto jirkooda iyo sumcadooda, naagta marka laga qaado video qaawan waa iyadoo la dilay oo kale, waxay noqonaysaa qof ay caddahay xumaanteeda, waxaaba laga yaabaa inay halis gasho oo familkeeda ay dilaan siiba walaalaheeda.