Ninka qabo walaasheyda edabarro buu igu sameeyay ila taliya

Su’aasha:

scw bahda daruur salan qali ah iga gudoma waxaa jirta arin aan rabo talo layga siigo oo anan dad si toosh ugu sheegi karin walaasheyda ninkeeda wuxuu bilaabay inuu ila kaftamo kaftan cadi ma aha jirka ayu iga taabtaa marar moxoga ayuu iga qabta marna barida ayu iga dhuftaa mararka qaar wuu i lagadamiya aniga wan ka leexan jiray anoo diidan in walashayda gurigeeda dumo hadan ioyada u shego ama hooyadayda aan gaarsiyo markii an meel isla joogono falal qaab daran ayuu ku kacaa hadaba siden ku xalin karaa mushkilada jira oo aan uga joojiyaa.

Jawaabta:

Waxaad ogaataa marka hore qofka noocan ah inuusan qiime lahayn wuxuu u baahan yahay in jidka saxa ah la mariyo, hadaad kasii aamusto wax ka weyn ayuu kugu samaynayaa, waliba wuxuu kuu malaynayaa adiga inaad raalli ka tahay, maxaayeelay naagta haddii jirkeeda la taabto ay ka aamusto ninka wuxuu u qaadanaa inay raalli ka tahay, wuxuu is dhahaa hadday diidi lahayd ma aamusi lahayn, waliba kan oo kale naag kaste ayuu ku dayaa maxaarimta xataa hadday tahay, waxaad samaysaa inaad u digto oo aad ku tiraahdo haddii mar kale aad waxaas igu samayso ama aan xumaan kaa dareemo waan ku fadeexaynayaa dadka ayaan u sheegayaa, waliba waxaa fiican inaad ugu gooddiso qof weyn oo cidda ka tirsan inaad u sheegayso sheekada uu wado, hadduu sii wado dabin u dhig  si bulshada ay u ogaato noociisa iyo wasakhnimadiisa, qofkii joogsan waayo waa la joojiyaa.
Inta badan raga noocaan ah waxay ku xadgudbaan caruurta iyo dadka taagta daran sheekooyinka maanta netka ka buuxa oo kufsiga ama nin u tagay gabar qaraabadiisa ama xaaska walaalkiisa dumaashidiisa ama xaaska aabihiisa ama naag deriska ama gabar abti dhalay aad bay u badan yihiin ragan marka laga aamuso wasay rabeen horay ayay usii soconayaan ilaa awood loogu adeegsado markaas ayay haraan.