Taladu waxay tahay: waxaa jirto Gabadh an mudo dheer xiriir wadaag nahay ku dhawad 4 sano isla socono, hase ahaate dhibka ama cilada an qabo waxay tahay maseer iyo xanaaq, marki an xanaaqi isma xakamen kari o mar walba gacan ayaa qaada
Marka sidee Gacan qaadkas iskaga dhaafi karaa
Gabadhana aad aya u jeclahay aniga kaliya isku rabo qafkale hadan ku arko wan xanaaqa kadib gacan iga soo horeso
Marka hore waxaad ogaataa in wax kaste hadkooda markay ka baxaan dhib inay keenayaan, xanaaqa daran meel xun ayuu ku geynayaa, nabiga (SCW) dardaarankiisa wuxuu ahaa: ha caroonin.
Waxaad maskaxda gashataa xanaaq inaan wax lagu xallin karin bal inay ka dhalan karaan waxyaalo musiibo keeni karo, haddaad iska dareento xanaaq weysayso Alle magangal is deji ka fikir ciribta iyo wixii ka imaan karo xanaaqaas.
Midda kale masayrka wuxuu ku jiraa nin kaste laakin ma aha inuu xadkiisa dhaafo oo uu noqdo shaki, waliba markaad guursato ayay ugu daran tahay waxaa laga yaabaa xaaskaaga inaad ku garaaco masyerka dartii.
Marka ogow naagta inaysan ahayn qof alaab ah oo lagu cayaari karo, waa walaashaada oo kale oo u baahan in hadal wanaagsan lagula hadlo oo la qiimeeyo oo sharafteeda la ilaaliyo marka aad ku xanaaqdo adoo nin kale kaga masayraya waxay tilmaamaysaa taas in iyada aad ka shakisan tahay, shakigana ma fiicna, haddaad ku aragto wax xun taas laguuma haysto inaad kaga tagto ood ka fogaato oo aad xanaaqdo laakin masayrka markuu bato musiibo ayuu soo jiidayaa.
