Dadka qaar hadalka si qaldan maxay ugu qaataan

Su’aasha:

Asc wllo bahda daruur waxn raba inad igala talisan ama iishegtan sababta ay dadka kle iga aaminan wax qaldam ama wax anan ahyn ay i modan sida inan ahay qof xun hadaladeydana ugu qatan xaga qaldan anon hal qof ku seexan coladintisa wakhtina ku bixin , hadi an qaldamana waxn bixiya rali galin ma jecli inan ku xad gudbo dadka ma garanyo sababta qaladka iga aminan ma qofba jira si qaldan afkartisa markaste la iskaga fahmo.

Jawaabta:

Waxaa laga yaabaa dadka aad saaxiibka la tahay inay wada cuqdadaysan yihiin, maxaayeelay qofka marka uu qalbiga ka jiran yahay hadalka si qaldan ayuu u fahmaa, ama qofka marka uu ku neceb yahay wuxuu qaloocinayaa hadalkaaga, marka waxaan kula talinayaa inaad dib u eegto dhaqanka dadka kula saaxiibka ah kahor intaadan naftaada eedd saarin.

Maxaayeelay qofka marka uu xanuunsan yahay cuntada macaanka ah kharaar ayuu u arkaa illeen waa jirran yahay isla cuntadaas qofka fayow markaad siiso macaan ayuu u arkayaa.

Afka aad kula hadalayso dadkaas ma aha af qalaad oo inay fahmaan adag tahay, marka cilladda waa xaggooda.

Haddii adiga aad iska shakisan tahay adeegso ereyo cadcad oo aan shaki ama qalad keenaynin hadalkaagana ha yaraado, maxaayelay hadalka badan qofka qaladaad badan ayuu u keenayaa.