Cuntada iyo caafimaadka xiriirka ka dhexeeya

Caafimaadka iyo cuntada xiriir weyn ayaa ka dhexeeya, qofka intuusan ku degdegin daawo waxaa habboon inuu ilaaliyo cuntada uu qaadanayo iyo xilliga uu qaadanayo.

Jirrooyinka badankooda waxay ka dhashaan cunta xumida si xun in loo adeegsado cuntada ama in la cuno cunto dhib jirka u keenaysa.

Sidoo kale waqtiga cuntada la qaadanayo isagana kaalin weyn ayuu ka cayaaraa waxtarka cuntada.

Sidoo kale cuntada marka ay kala duwan tahay aad bay u fiican tahay marka loo eego raashinka hal nooc ah.

Cunto waxaa ugu fiican tan fareeshka ah oo dhulka si toos loogasoo guray, sida qudaarta iyo furuudka oo kale.

Waxaa soo raaca cuntada sida habboon loo kariyay taas oo laga ilaaliyay saliidaha dabka la falgala.

Tusaale ahaan saliidaha badankooda marka ay dabka la falgalaan waxay keenaan cuduro badan, siiba cudurada ku dhaca beerka.

Sidoo kale waxaa habboon inuu qofka cuno xubuubta wada dhan oo aan wax kale lagu darin, sida gallayda qamadiga bariiska oo kale.

Saliidda badan dhib ayay qofka u keenaysaa saliid waxaa ugu fiican saliid seytuun iyo saliid macsaro.

Marka la eego waqtiyada cuntada la cunayo qofka waxaa fiican inuusan isku daldalin raashin badan, waxaa la rabaa qofka inuu cuno markla uu gaajo dareemo, gaajada astaan waxay u tahay inuu jirka u baahan yahay sahay, sidoo kale cuntada inaysan ahaan mid qalayl ah.

Waxaa kaloo la rabaa habeenkii waqti dambe qofka inuu iska ilaaliyo qaadashada raashinka taas waxay keenaysaa jirooyin badan waayo dheefshiid sakhda dhexe si fiican uma shaqeeyo sidaa awgeed cuntada dhaqsi uma socneyso, waxaa laga yaabaa qofka inuu ka qaadao calool xanuun iyo dibir.

Marka caafimaadka wuxuu inta badan ku jiraa habeynta raashinkaaga.

Waxaa kaloo muhim ah in la tilmaamo bisha Ramadaan waa fursad qofka uu ku heli karo caafimaad maxaayeelay soonka wuxuu xoojiyaa caafimaadka jirka, wuxuu ka tirtiraa jirka wixii dheeraad ah oo uusan u baahnayn, xubnaha shaqada culus ayay ka nasanayaan, marka waa wax muhum ah.