Qalabka sanka lagu dheereeyo ama lagu toosiyo diinta maxay ka qabtaa

Su’aasha:

Asc bahda daruur waan idin salaamay
1: Siigada ma dimbibaa yacni ma dambi dambiyada waa wayn ka midaa sida sinada culamadu maxay ka dheheen noo faah faahi insha allah

2 : waxaa jira qalab yar oo sanka lagu qabto oo sida biinka dharka lagu qabto oo kale ah ooy keeyihiin wuxuu toosinayaa sanka ama wuu dheeraynayaa
Kii balaadhana wuu isku duwayaa
Taasna maxaa la dhihi karaa ma abuurka alle oo la doorinayay ka dhigantahahy

Jawaabta:

Su’aasha koowaad in badan ayaa laga jawaabay, webka ka raadi, teeda kale labo su’aalood kala mowduuc ah hal meel laguma soo qoro, hadda kadib sidaas la socoto.

Toosinta sanka culimada waxay u qeybiyeen labo nooc mid oo ah in qofka qurxis ay ka tahay oo sankiisa wax dhib uusan lahayn iyo in uu jiro wax dhib u keenaya sida qalooc ama barar ama qaab ka baxsan xadka dabiiciga, midda hore lama oggola waxaa lagu tiriyay doorinta khalqiga Alle inay tahay waana xaaraan, midda labaadna waa la oggol yahay maxaayeelay dhib soo gaaray ayaa laga qaadayaa qofka, waxaa la mid ah qofka faruurta ka jeexan haddii loo kabo wax dhib ma laha, sidoo kale qofka weershaha isaga haddii loo daaweeyo weershanimada wax dhib ma laha, adiga haddii sankaaga uu dhib weyn kugu hayo oo uu xadka ka baxsan yahay oo aad ku toosin karto habkaas wax dhib ma laha inshaa Allaah, laakin haddii uu caadi yahay oo aad wax ka badali rabto quruxda jirkaaga taas waa xaaraan, xaalkana waxaa qiyaasi kara qof dhakhtar ah kas hadduu jirro yahay iyo haddii kale, arrintan waxaa loo eegaa dhibka qofka haysto iyo jirrada haysato heerka ay taagan tahay.