Lixda wadac ee Shawaal goormee la bilaabi karaa

Su’aasha:

Asc bah weynta Daruur waan idiin salaamaya intaas ka dib Soonka loo yaqaano wadaca ee isbuuca la soomo marka ramadaanta goormee la soomaa waxaan arkay dad wadaca sooma maalinka koowaad ee ciida maalinta ku xigta marka in maalin ciid ah la soomo diintu maxay ka qabtaa.

Jawaabta:

Lixda sogootiska shawaal waxaa la bilaabi karaa maalinta ciidda maalinta ku xigto qofkii rabo wuu soomi karaa, kaliya waxaan la soomi karin maalinta ciidu fidriga, maxaayeelay maalinta ciidda soonka waa xaaraan.

Culimada qaar waxay nacayaan in laysku xiriiriyo lixda shawaal waxay dhahaan waxaa habboon in maalin dhaaf loo soomo, ama isniinta iyo khamiista loo qeybiyo.

Laakin si kaste waa la samayn karaa, kaliya waxaan la oggolayn in la soomo maalinta ciidda.

Sidoo kale qofka waa inuu ogaadaa lixda wadaca inaysan waajib ahayn, dadka qaarkii waxay ka dhigaan sida wax waajib oo kale, xataa hadday xanuunsan yihiin way isku qasbaan ama way soo qaleeyaan, ma aha soonka lixda Shawaal waajib, ee waa sunno haddaad rabto waad iska dhaafi kartaa wax dambi korkaaga ma aha.