Farmaajo wuxuu dhahay intaan barakiciye noqon lahaa waxaan ahay badbaadiye muxuu ka wadaa

Su’aasha:

Madaxweynaha sharciyadiisa muranku ka taaganyahay Maxamed Cabdilaahi Farmaajo wuxuu xaley jeediyey qudbad u muuqatay mid la soo jarjaray oo qaladaadka laga soo faafreebay marka qudbadiisii waxaa ku jirtay in dalka ay qasayaan shisheeye iyo siyaasiyiin uu sheegay inay daba dhilif u yihiin shisheeyaha marka hadal jeedintaas Farmaajo sameeyey maxaa laga tilmaami karaa maxaase laga fahmi ma tabar ayaa ciishay odayga mise isagaa gartay inuu tanaasulo cileyn wuxuu yiri meeshaan ka noqon laahyn barakiciye waxaan ahay badbaadiye.

Jawaabta:

Farmaajo wuxuu dhammaystirtay fashilkii afarta sano, wuxuu sabab u noqday in mar kale laysku dagaalo talada, haddii sheekada uu ku wadi lahaa sidii labii ka horraysay ay ku wadeen waxaan oo dhan ma dhaceen.

Laakin Farmaajo xukun jacayl ayaa u geeyay inuu falkan ku dhaqaaqo, Farmaajo haddii labada sano uu ku darsaday si toos ay ugu marto, wuxuu baddali doonaa Dastuurka sida Ismaaciil Cumar Geell uu ku sameeyo shacabka Jabuuti.

Farmaajo marka uu ku tilmaamayo mucaaradka inay dabdhilif shisheeye u yihiin isagana sidaas oo kale ayay mucaaradka ku sifeynayaan, marka arrinta ma taagna in qolo qolo kale ay ku tuhunto inay shisheeye u shaqayso.

Soomaali waa wadan muddo dheer dagaal kusoo jiray meeshii la rabi lahaa inuu Farmaajo ku dadaalo nabad iyo nolol siduu sheegtay wuxuu rabaa inuu dagaal sokeeye kiciyo mar kale siduu sameeyay Siyaad Barre 1991-kii Farmaajana waa oogaha dagaal sokeeyaha 2021-ka.

Soomaali hadday rabaan in dalkooda tooso Farmaajo haka reebaan inuu mar kale isu soo sharraxo, sidoo kale waa in lasoo qabtaa oo jeel la dhigaa, maxaayeelay dagaal ayuu kiciyay waa dagaal ooge.