Adduunka noole kaste wuxuu wataa wax ku tusaya jiritaanka Alle (SW) iyo awooddiisa, maanta marka aan wax yar ka sheegno mucjisada ku sugan abuurista geela waa mid lala yaabo.
Mucjisada ku sugan abuurista geelaAayadda oo loo qoray qaabka geela ay tahay
Ma og tahay neefka geela inuu cabbi karo biyaha badda oo dhanaanka ah?!! lagama yaabo inuu dhiigiisa kor u kaco maxaayeelay kellidiisa biyaha ayay u sifeynaysaa biyaha iyo cusbada way u kala baxayaan biyo macaan ayay u noqonayaan.
Sidoo kale neefka geela wuxuu awoodaa inuu cuno qodaxda calooshiisa wax dhib ah masoo gaaro iyo mindhiciradiisa, maxaayeelay dhareerkiisa wuxuu dhalaaliyaa qodaxda waxay noqonaysaa sida muufada oo kale ama cajiinka, sidaa awgeed dadka reer baadiyaha ah markay qodax muddo dhareerka geela ayay mariyaan qodaxda way burburaysaa muddo kaddib.
Waxaa kaloo la yaab leh naafka geela wuxuu qabaa labo maqaar daboolaya indhihiisa mid waa sida dhalada oo kale oo shareer ah midna waa maqaar caadi ah, wuxuu awoodaa inuu ku socdo dhulka boorka badan oo dabeysha carrada soo daadinayso, indhihiisa dhib ma soo gaaro maxaayeelay wuxuu xiraa daboolka dhalada oo kale ah kaliya.
Waxaa kaloo la yaab leh neefka geela uu sameyn karo inuu baddalo kulaylka ama qabowga jirkiisa, marka uu baraf galo jirkiisa kulayl ayuu ka dhigaa marka uu qorrax kulul dhex galo jirkiisa ayuu qaboojiyaa, waxaas oo dhan waxaa siiyay Allaha awoodda leh.
